वळण

जीवनाने आज एक नवीन वळण घेतले होते
अन हे वळणच माझ्या जीवावर बेतले होते

त्या वेड्या बकुळीचे आज तिथे सडे पडले होते
अन पसरलेले गंध सारे नाईलाजाने सडले होते

वादळाने आज शेवटी पक्षाचे घरटेही पाडले होते
अन झाडाखाली मुक्याने ते दगडही हालले होते

अखेरीस जाताना पाय उंबरठ्यापाशी अडले होते
पण थांबलेले पाय उंबरठ्यालाच कुठे कळले होते?

शापित

सोडूनी आठवांना, एकटाच चाललो मी
जीवनात आज पुन्हा, शापित जाहलो मी

सहस्त्र आरोप्यांचे, आरोप सोसले मी
आरोपाने आज तुझ्या, पुरताच फाटलो मी

कधी तुझ्या प्रश्नांना , उत्तर जाहलो मी
तुझ्यासाठी आज पण, प्रश्नच राहिलो मी

तुझ्या प्रत्येक क्षणांना, स्वतः जाळले मी
चिता शांत झाली तरी, राखेत माखलो मी