जखम

ते हरवलेले चेहरे आज पुन्हा एकदा समोर आले
अन सुकलेले जखम सारे पुन्हा एकदा चिघळू लागले

ते क्षण आमचे एकांतांचे
प्रेम घटका दोन घटकांचे
आकाश आमच्या दोघांचे

अगदी सर्वच पुन्हा एकदा मन माझे जळवू लागले
अन सुकलेले जखम सारे पुन्हा एकदा चिघळू लागले

आभास एकच असण्याचे
सर्वत्र फक्त तूच दिसण्याचे
डोळ्यात तुझ्या हरवण्याचे

दिवस तेही डोळ्यामध्ये कळत नकळत दाटू लागले
अन सुकलेले जखम सारे पुन्हा एकदा चिघळू लागले

आकाश आता ते शांततेचे
प्रश्न तुझ्या अनोळखी नजरेचे
अस्वस्थ श्वास त्या क्षणाचे

न काही बोलताच आपआपले मार्ग पुढे धाऊ लागले
अन सुकलेले जखम सारे पुन्हा एकदा चिघळू लागले