कालच्या आठवणी

ह्या कालच्या आठवणी आज कुठून वाहुनी आल्या
मनाच्या पत्यावर अजूनही तुझा हक्क सांगुनी गेल्या

न जाणो कुठूनी उरला, आभास तुझ्या असण्याचा
अंदाज न कधी आला, तू नसूनही इथेच असण्याचा

निवडले मी माझे आकाश, तुझ्या गावी न दिसणारे
न जपले स्वप्न मी कधी, तुझ्या मिठीत संपणारे

मार्ग आपण निवडले होते, कुठे कधीच न मिळणारे
न होती हि जाणीव, न मिळताही होते ते दिसणारे

दूर असूनही तू,जवळ राहशील असं वाटलं नव्हतं
सोडून जाशील मला, कधी स्वप्नातही वाटलं नव्हतं